S'Angilu miu e' guardadori - mi d'ha mandau su redentori
po' guardai s'anima mia - po' mi fai cumpangia
a sa santissima trinidadi - po' chi siausu accanta 'e pari
se custa anima dolenti - 'da tengiaus presenti
a is portas de su paradisu - Santu Cungiada Loisu
Sant' Efisi guerrieru - porteusu a su fiancu
non faccaus de mancu - de custa orazioni
Gesù Santu Simoni - Santu Giaccu e Santu Luca
atru non mi bessad de ucca - petti custa preghiera
Santa Orrosa e Santa Lena - Maddalena e Martire Maria
non si faccad cumpangia - finasa a s'ora de sa morti
Gesù itte bella sorti - cun is angilus de sa gloria
eusu a binci sa vittoria - Gesù Santu Serafinu
a 'pè parti a su coscinu - e is angilus de su lettu
bos' abbrassu cun affettu - sa celesti cumpangia
'e si saludu tottu impari - liberai de s'abba 'e mari
a is pòbirus navigantis - a is de terra viaggiantis
liberai is benefattoris - Santus mius intercessoris
mi tengiais in sa custodia - pò chi siaus in sa Santa Gloria
unius accanta 'e pari - Gesù de mei piedadi
ancora de is aggredentis - de is mortus de repenti
liberai su geniri umanu - Santu Gaetanu
Santa Anna e Santo Gioacchinu - Maria de Bonucamminu
tengiaus in d'ogna logu - Sant' Antoni de su fogu
nò s'aggiungi Damianu - chi ses veru cristianu
custa preghiera pèsu - candu mi corcu e pesu
e in s'arriu de Sant'Agostinu - custa preghiera i finu
e mi pigu s'arriposu - chi non morgia bisongiosu
senza Eucarestia - Gesù, Giuseppe, Maria, Aicci Siada.