Filastrocche per bambini (parte 4)

Scritto da 
Vota questo articolo
(2 Voti)

ORRUNDILI ORRUNDILI

Orrundili orrundili
imparamì a tundiri
imparamì a tessere
candu ddu asa essere
in punta de campanili
ti ddu apu a bocciri
cun d'una scoppettada
orrundili scoada

 

SU FOGU

Tene tene su fogu
ad'a benne Antiogu
Antiogu Marani
e ddi atti pani
pani infustu cun mele
su fogu tene tene

 

DILLULUEDDU

Dillulueddu eit'appu agattau
s'amorosa cun s'innamorau
in d'una matta de murmureu
curridi e curridi su cuaddu meu
e ddu curridi picciocu Stochinu
e curridi finasa a Barigau
dillulueddu eit'appu agattau

 

SU CUCCHEDDU

Cuccheddu cantadore
in serra 'e masone
er beru ca ses'indovinadore
er beru ca ses po m'indovinai
cant'annus in c'appu po mi coiai?

 

PROE PROE

proe proe
s'axina coe
proe proe
s'axina manna
ca nd'appa donai
a babbu e a mamma
e a manneddu
ca dda pappada de piticheddu

Letto 392 volte Ultima modifica il Mercoledì, 25 Gennaio 2017 16:53